Sábado 17 de xullo/ 19.00h Buscando nos catálogos da Biblioteca de Wenceslao en Cecebre, atopámonos cun exemplar que recolle as aventuras de Perceval e os contos do Grial, aventuras escritas no seu momento (falamos do século XII) por Chrétien de Troyes, autor de quen poucos datos se coñecen. Os contos do Grial narran as aventuras do heroe Perceval e a súa evolución e madurez desde o momento en que, empuxado pola forza do sangue, abandoa á súa nai e chega á corte do Rei Arturo para ser armado cabaleiro. Membros do grupo de teatro Fas-que-fas, da FWFF, darán conta da lectura dramatizada dalgúns dos contos que forman parte desta obra. Será por volta das sete da tarde, en Villa Florentina. Entrada gratuíta. Fonte Fundación WFF [+]info:
http://cambrexoven.com
